afro-alemana I

 

Afro-alemana zara?

… a, ulertzen dut: afrikarra eta alemana.

Nahaste interesgarria da!

Badakizu, batzuek oraindik ere uste dute

          mulatoak nekez

          iritsiko direla

          zuriak bezain urrun

 

          Nik ez dut uste hala denik.

          Heziketa egokia jasota, jakina…

          Zurea bai zortea

          hemen hazi izana

          zer eta guraso alemanekin. Pentsa!

 

Itzuli nahi zenuke?

Nola ez zarela inoiz izan aitaren sorterrian?

Lastima da… Hara, nire iritzia nahi baduzu,

nor bere jatorriak bereizten du.

Ni, adibidez, Westfalenekoa naiz,

eta hangoa sentitzen naiz,

hain justu…

 

Ene bada! Munduan zenbat miseria!

          Pozik egon zaitezke

          oihanean geratu ez zinelako.

          Han ez zinen hain urrun helduko!

 

Benetan neska azkarra

zarela, alegia.

          Ikasketetan saiatua bazara,

          Afrikako zure jendeari

          laguntzeko modua izango duzu:

          horretarako izendatua izan zara,

          ziur zuri entzungo dizutela,

          gutarrei, ordea…

          handia da kulturen arteko aldea.

 

Hemen zerbait egin, zer diozu baina?

Ze arraio egin nahi duzu ba?

Ez, ez, hemen ere dena ez da urre,

baina nork bere etxea goberna dezala

beste ezertan hasi baino lehen!

 

1985