Nire artisautzan edo arte bakartian

Nire artisautzan edo arte bakartian,

Gau isiletan egina,

Ilargia bakarrik ozen denean

Eta maitaleak ohean dautzanean

Samin guztiak beso artean,

Argi kantari baten ondoan lan dagit

Anbiziorik ez dut, ez dut ogirik helburu,

Ez harrokeria, ez xarma-trukerik ere

Bolizko eszenatokietan,

Haien bihotzik sekretuenaren

Ordainsari xumea baizik.

Bazterreko gizon harroarentzat gabe,

Ilargi ozenetik dut idazten

Itsas-bits orriotan;

Dorreetako hildakoentzat ez,

Haien urretxindor eta salmoekin,

Maitaleentzat baizik, besoak

Adin-minen inguruan jarririk,

Zeintzuek laudorio edo sosik eman ez

Eta nire arte edo artisautzaz axolarik ez duten.