Erroma gauez

Zabuaren taulak goraka

zazpi muinoak bahitu ostean, ur ilunetara

ere lerratzen da

gure zamaz eta estutuz,

ibaiaren lokatzetan murgiltzen da, harik eta gure magalean

arrainak biltzen diren arte.

Bulkada batez abiatuko gara,

txanda heltzen zaigunean.

Lurra jo dute muinoek,

haietara igo eta gauarekin

partekatu ditugu arrain guztiak.

Ez du inork jauzi egiten.

Jakina baita, maitasunak baino ez gaituela jasotzen,

eta batak bestea.