14. eszena

(umea eta emakumea 2 sukaldeko mahaiaren inguruan daude. umeak ariketa liburua du aurrean, baina biak jolasean ari dira, lehena kilimak egiten eta bigarrena barre algara gorde nahian. Ondo pasatzen ari dira.)

emakumea 2: Ea, Antton, kontzentratu. Bihar azterketa duzu.

umea: Eta etzi oporrak!!

emakumea 2: Bai... pozik zaude, ezta?

umea: Oso.

emakumea 2: Tira... zatiketa hori ez dago ondo...

umea: Triste zaude, ama?

emakumea 2: Ez! Zergatik esaten didazu hori?

umea: Ez garelako Kanarietara joango. Bai, triste zaude.

emakumea 2: Zu, lasai, ttiki. Bartzelonan ere primeran pasako dugu.

umea: Zuk ez. Zuk ez duzu joan nahi.

emakumea 2: Baietz ba! Benetan. Ni ere irrikaz nago joateko. Zuekin banago berdin zait nora joan.

umea: Aitak esan dit... Montmelora eramango gaituela Formula 1eko karrera ikustera.

emakumea 2: Zein ondo! (Ilean laztanduz) Tira, baina hori baino lehen azterketa egin behar duzu bihar.

umea: Bai, ama.