Norbait dabil sute-eskaileran
Norbait dabil sute-eskaileran
2001, poesia
104 orrialde
84-95511-42-8
azala: Xabier Gantzarain
Harkaitz Cano
1975, Lasarte
 
2018, nobela
2015, narrazioak
2011, nobela
2005, narrazioak
1999, nobela
1996, nobela
1994, poesia
 

 

LUMAZKO OHEA

 

Litekeena da gezurra izatea, baina diote

azken mezularia akabatu dutela,

su eman dietela gutun guztiei eta eskola guztiei.

Badatoz ke etenaren eta leiho itxien egunak.

Agian hau izanen da nire azken askatasun hegaldia,

otutzen zaio.

Erotismo hitz polita izan arren, otutzen zaio.

Zigarreta izeki eta galdetzen dio:

«Noiz arte pentsatzen duzu geratzea?»

Eta besteak erantzuten du: «Oroitzapenak izateko

beharrezkoa den doia baino ez».

Bakoitza alde batera jiratzen da orduan

eta ez da izararena bakarrik tentsioa

hor barruan

burdinazko malgukia ez den zerbaitek

karraska egiten duenean.

Izan ere pentsio hau

eraikin osasungaitz, kaltegarri eta arriskutsu

horietako bat da

itxuraz koltxoiak ere

birigarro mokokerrez

daude beteta.