Norbait dabil sute-eskaileran
Norbait dabil sute-eskaileran
2001, poesia
104 orrialde
84-95511-42-8
azala: Xabier Gantzarain
Harkaitz Cano
1975, Lasarte
 
2018, nobela
2015, narrazioak
2011, nobela
2005, narrazioak
1999, nobela
1996, nobela
1994, poesia
 

 

PAUL KLEE

 

Zure egunerokoan idatzirik laga zenuen:

begi batek begiratzen duenean

besteak sentitu egiten du.

 

Ez ukatu norbait besarkatu eta begiak herstean

txalupa behiala abandonatuaren kulunka desagertua

begien hondoan sosegu triste bat sentitzen ez duzunik.

 

Zure burua neurri konfesaezinetaraino nahastu

eta nahi duzuna zure buruari nahi zenuela

sinetsarazitakoa besterik ez dela ikusten

sentitzen duzu.

 

Ez ukatu mundua bere ardatzean mantentzen duen

resignazioa sentitzen ez duzunik:

bart gaueko kafearen kondar lehor eta hotza

egunsentian

sukaldeko leiho ondoan topatzen duzun kondar bera,

baina ez katiluan, begien hondoan baizik.

 

Norbait besarkatzen duzunean

eta besarkatzen duzulako

begiratzen duen begirik ez dagoelako

biek sentitzen dute.

 

Eta norberak, begi edo pertsona bakoitzak,

bere egunerokoan du idazten.