Norbait dabil sute-eskaileran
Norbait dabil sute-eskaileran
2001, poesia
104 orrialde
84-95511-42-8
azala: Xabier Gantzarain
Harkaitz Cano
1975, Lasarte
 
2018, nobela
2015, narrazioak
2011, nobela
2005, narrazioak
1999, nobela
1996, nobela
1994, poesia
 

 

ABENDUAK 29 ETA HOTZAK JOTA

 

Hitzordu bat. Adibidez hemen

orri zuri honetan.

Zita baten zain derrigorrezkoak diren

hitzetan pentsatuz,

bakarrik.

Beste ezertan ez. Bakarrik hitz horietan pentsatuz.

 

Jendea pilatzen ari da zubietan

bakarka edateko

binaka edatekoak diren likoreak.

 

Zaldi karrerak lurpean.

Hozkailu-kamioietako gakoetan behi haragiaren ordez

txeloak zintzilik.

Biren artean mahaian hedatu aurretik

mantel batek airean sentitzen duen poz esekia.

 

Gabonak dira, laguntza

eskatzen dute trapuzko hartzek

eskaparateetako sasietan harrapatuta.

 

Bihar belaontzi batek naufragatuko du giza galeren

galerian, baina guri zer.

 

Ahoko lurruna eta bizarrean itsatsi jelazko lanpernak

kale hauetan oinez ibiltze hutsa

zoriontsu izatearen pareko dela

gogorarazi nahian.