Kea behelainopean bezala
Kea behelainopean bezala
1994, poesia
80 orrialde
84-86766-53-2
azala: J.M.W. Turner
Harkaitz Cano
1975, Lasarte
 
2015, narrazioak
2011, nobela
2005, narrazioak
2001, poesia
1999, nobela
1996, nobela
 

 

Kea behelainopean bezala

 

Gereziondo bat hazten ari dun nire zainetan

benazko entseiu hodi matxuratuak bihurtuz

takigrafiatu dizkinate musuak hire bularretan

agortu dun hondarra

sahara gobi eta basamortu gehiago ere

tatuatu dizkinate jainkoen bizkarretan

itsasoa aho bakarreko mintzagi

obenkeek ezin eutsi lain bihotzari tenk

biriketako naufragioan

sistoleak eta diastoleak garabiak kezko

uhildo lurrunak

milaka postale heldu ditun mundu osotik

ez al dun gogoratzen

hilak heriotza oso bat betetzen din gaur

kandelak itzaliak dizkin

desio bat eskatzea zilegi badun

ez dinat aingeru errudunen hegorik nahi

uhildo lurrunetan aske

zebilen nire arteriatan hire kresala

kea behelainopean bezala

 

gabian bukatzen dun iparra gereziondoan

hasten ditun nire zainak