Kea behelainopean bezala
Kea behelainopean bezala
1994, poesia
80 orrialde
84-86766-53-2
azala: J.M.W. Turner
Harkaitz Cano
1975, Lasarte
 
2015, narrazioak
2011, nobela
2005, narrazioak
2001, poesia
1999, nobela
1996, nobela
 

 

1600

 

Segundu asko ditun mila eta seirehun segundu

aulki elektriko batean zain egoteko adibidez

lore batzu eskuan ditunala zutik adibidez

zaila dun musu bakarra malgutzea hain luzaro maite

metro asko ditun mila eta seirehun metro

batez ere gaur eta kale urtu hauetan ihesi edo

hire botanikan murgilduz gauaren barne lorategietan

arratsaren zirujia ebakiz rosa rosae

mila eta seirehun arratoi samaldan

suizidatu hituen atzo pasaiako garabietara

maitasunaren hiru osagaiak batzerakoan

proportzioetan ondo asmatu ez zutelako maite

asko ditun mila eta seirehun arratoi

zorionaren zutabeak hortzez kurruskatzeko

ez al zain hala iruditzen maite

kearen aritmetika urruna estazioetako oholetan

esandako gezur guztiak kontatuz ere

mila eta seirehun gezur

gezur asko ditun

eta ez dun lain elurra azaroko murru izoztuetan

gabardina tirokatuaren odola jelatzeko

metrailaz baheztatua euria

matrailetan mila eta seirehun berun pusketa

berun pusketa gehiegi direla iruditzen zaidan