Kea behelainopean bezala
Kea behelainopean bezala
1994, poesia
80 orrialde
84-86766-53-2
azala: J.M.W. Turner
Harkaitz Cano
1975, Lasarte
 
2023, poesia
2022, poesia
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
 

 

Kearen bestaldetik

 

Kearen bestaldetik etortzen den

bisitariari gure hirizko tximinietan

deigarri zaion lehen gauza

zubietan klarionaz seinalatu zenbaki horiek

lau zubi besterik ez daude hirian eta

123 456 876 145 bataiatu dituzte lau zubiak

azken zifra beti lainotuagoa

askotan ezabatu eta zuzendu balute legez

zein gutxi dakiten estetikaz eta enparauez

zergatik ez jarri zubiei diktadoreen izenak

hiribideei bezala

 

Kearen bestaldetik etortzen den

bisitariari gure tximinizko hirian

deigarri zaion bigarren gauza

zubietako inskripzio bitxi horiek

benetan ez dit axola hiltzeak

baina otoi hil nadin urruti

Há una gota de sangue em cada poema

as noites da radio lisboa

edo maite ditut jaioberrien begiak non

hazten baitira kanabixaren basoak

 

Kearen bestaldetik etortzen den

bisitariari gure hiri txarrantxazkoan

deigarri zaion hirugarren gauza

ibaiadarraren ditiburuetan gereziak hondoratuz

(zubiak zilar paperezkoak beti traidoreentzat)

gorrilunetik ilun gorrira bravo bravisimo

eta zubietan jarri dituzten zaindari zurrunak

opera barregarriak non antzezten diren seinalatuz

inork aurrerantzean txalotu ez ditzan suizidak