PAGOA
Altzoko Imazek pagoa landatu zuen
Basaitz mendian, andrea ezagututako urtean.
Bizitza osoan arretaz egin zion kontu,
gerrikoarekin neurria hartuz lantzean-lantzean.
Pello Errotaren esanetan bertso jartzen puntakoetarik,
andrea baino 25 egun lehenago zendu zen, 1893an.
Pagoari zabalera hartzeko, gaur egun
bost metroko gerrikoa beharko luke agian.
© Kirmen Uribe
