atea ireki nuen behin

      desiratzen nuena sar

          zedin behingoz

              eta une hartan bertan

                  heriotza urdindu egin zen.

euriak busti ninduan

          eta buruz

                besoz

                      ahoz

                        sexuz hitzegiteko gogoa

                                    etorri zitzaidan.

        laranjaren borobiltasun erotikoa

                    izan nuen esku anean,

                          eta euriak

                      euri fin bizigarriak

            nire burua bustitzen jarraitzen zuen.

      bainan nik ez dut oraindik heriotzarik ezagutzen.