SATURNO ETA JUPITER 2020KO ABENDUAN

egunkarian zu eta ni

koloretako argazkian

lehen planoan nire urdaileko zirimola

errenditzen ez den jupiterreko ekaitz hori

kazetariak dio hor goian batuko garela

bi planetok puntu bera

gasak nahastuko ditugula urteko gaurik luzeenean

ez al da ederra

elkarrengandik milioika kilometrotara egonagatik

keplerren indarrek irristatu eta

zure eraztuna zeharkatuko dut

goizalban eskuak luzatuko ditugu

baina hatzek elkar ukitu gabe agurtuko gara

ezer gertatu ez balitz bezala jarraitzeko

putzu beltz amaigabean igeri