PIRATA

Txomin

Zubi aldera joaten ikusi haute

katuek teilatutik

eta bidean utzi duan

besarkaden arrastoa

segitu diagu

Zer ari haiz bilatzen

lamina xerbelduen errekan?

Gure koplak harrien artean

jostetan hasi dituk

aingirak bezala

eta kilika egin ditek

hire hanka biluzietan

Orduan hik

begiratu diguk

eta ohartu haiz

arrunt bihurtu dela

gure kofradia aldrebesa

inor ez duela ikaratzen

gure bandera beltzak

hik ez baduk dantzarazten

ez dugula sekula

inongo uharte sekretutan

altxorrik aurkituko

hire bibote gorria

bezain urre

Gure Momo erregea!

Euria ari dik gogotik

oroitzapenen itsasoan