KUTXA BELTZA

Gure gurasoek

ez zuten gezurrik erran

ez zuten dena kontatu, ordea

lotsaz edo beldurrez

beldurrarengatik

eta lotsarengatik

Ate batzuk itxirik gelditu ziren

Nork erakusten ditu

bere etxeko

armairu tiradera guziak?

Ez ziguten eman

afera delikatuenen

kutxa beltzaren giltza

Alaba eta seme garenok

kondenatuak gaude

falta ditugun solas horiek

aurkitzen saiatzera

mututasunean miaka