ZOLAKO HARRIETAN

Mikel Zabalza

Bidasoak badaki

jende zakarrak eskopeta tiroz

hil izan dituela ugalde-arrainen

errege-erregina saltokariak

mozkor euforia lastimagarrian

Negelek uroiloek txilinportek

ongi dakite Orbaizetako semearen

gorpua nork nola zuen uretara

izokin hilaren moduan

Hiltzaileen prediku ustela orduan

Intxaurrondoko kuarteletik

hegaka joan zela ihesi

jendeari nahi sinetsarazi

eta hildakoak berak kontatu egia

bere gorputz zafratuaren ahotik

Urak ustez eramanagatik

zenbat historia eta istorio

zolako harrietan betikoz

laminen begi erneekin

irakurtzen ahal direnak