GANDORRA TENTE

Terrenoen bereizte lerroan

mugarri mugituei begira

herri bereko bi gizon

batek altxarrastelua eskuan

bertzeak eskopeta:

oilar borroka

besoko zainak tinkatuz dzasta

sartu du burdina

zizpa goiti eginez danba

sakatu du katua

ziraunaren gorputza

alderik alde zulatu hark

biligarroa lurrera honek

hegalak hautsirik

paparrean odola

urrundu dira biak

gorrotoa begietan

airean oihu bat:

aseko zarete lurraz!

Antton eroak ajari-karkailaka

kanposantuko paretaren

kontra jarrita

zigarroa erretzen