ESPEROAN

Euriz asea urrun

heldu da hodeia

Etsian espero dut

zuganako deia

Maite nauzu oraindik

ehundik hogeia?

Xilko-zelaia: plaza

Hasi bedi lehia!

Euri danborrak gogor

abisu emanka

Hutsartean gerria

nahi dizut besarka

Desio neurrigabez

bete da uharka

Mila musu ihesi

kartzelatik hanka

Euria barra-barra

jautsi ahalean

Itzal atxikia naiz

zure gibelean

Deabrua ostatu

bide-hotelean

Kilikak irristaka

larruazalean