OHEA AGINDUTAKO LUR DENEAN ETA OHEA AGINDUTAKO LUR HUSTE DENEAN

ohean lo da bat eta bestea sartu da

lotu dizkio besoak eta estali begiak

biluztu du eta bultza ohe izkinara

mende erdi igaro da eta

bitartean moztu dizkio bi zangoak

odolustu du

orain zerra eskuan

ohea erdibitu nahi du

ohean ziren haren gorputz zatiak eramanez

heldu berri denak legeak ditu

eta zerrak

eta elektrodoak

eta azidoa begietarako

eta prentsa

ohean lo ametsetan zegoena

gaizkilea da

galdutako zangoez oroitzeagatik

laguntza eske

besoekin duen indar apurra xahutzeagatik

gilo, mazmouria, shuafat, kalandija, ofra

izara zurietatik

ezin da

odola ezabatu