ERDIGUNEA

gaueko begia arranoz janztean

iragartzen da hurrengo geltokia:

zaplaztekoak dira txaloak

abuztuz beste egin dute karratuek,

oheandrearen sexuak

ura ehun kilometrora usaintzen du

                nola elefanteen tronpak,

oheandrea: belardien amarauna,

artilezko galtzerdiei darie hammonda

Heidelbergerplatzen jaiotzen dira

                Udalaitz eta Sankristobal,

aulki marroiak paradisu eta gazteluko dorreak

                bidetzen diren gurutzean

zauriak sokak eusten ditu:

                zure gonan

non da erdigunea?

«zu zara periferia» batek

«ez! zu zara periferia» besteak

marradun egietan aldiz ez da begi garbirik

eta ilargiak izarrak ditu inguruan

zure bularrak arrain-ontziko bale dira

ipurtargiz ipurtargi

          tximiniak

erakutsiz

basamortua

eta zilarrean gora erortzen da

                                      merkatu puztua

sukarrak maite zuelako gorrotoz

                                                      piztua

ikusarazi didazu zure bihurgunea

nik zango karratuz

                              begiratu zaitut

ostikadaka behizainak lez

titiburuetan galtzeko nire usaina

besotik heldu zaitu baina

mundua ispilutxoetan da sabaitik zintzilik;

gela honetako masail kolpatua,

satorrak          masai zuriak dira

gora eta gora inoiz    Zuberoa (gazte hustea)

                                    izango da hip

                                                      hop

beste norantzan orain

        zazpi tribuak

        baina ez dute usaindu ez nire antzutasun hortxata