NESKAK

seinalearekin bat

gazteluko erakusleihoan

uraren dantzak katiluei begira

uste nuen gaua ez zebilela neskatan

betaurrekoak hautsiak zituela,

eta uhartean itxoiten zintudan kafe zapore

belarri-kopetara igo zintezen;

ezaugarri lakarrak lurmuturren gailurrean;

hosto lehorrak udaberrian lez

hautsiko nizuke panderoa

unetxo bat!

zain dut esnea

gitarra elektrikoan

poltsikoan

giltzak dira txanponen lagunik onenak,

hartzaren biribilketa

sozialdemokraziaren folklorea,

seinaleari begira

uraren dantzak erakusleihoan

gazteluaren ostean

Berlin

jaso dut zure eskutitza kizkurrei lotuta

gaztaroa delako erret kontuen gudan gogokoen

ez zintudalako maite

poltsikoan

nola erortzen den azukrea lurra dardararaziz

                    il est dejà trop tard

gereziz

artaziz

inurriz

irudiz

jantzi gabeko argazkiak