Suzko lilia
Suzko lilia
2008, poesia
104 orrialde
978-84-92468-02-7
azala: Xabier Gantzarain
Hedoi Etxarte
1986, Iruñea
 
2021, poesia
2012, poesia
 

 

IBAIAZ BESTALDERA

 

Alekseievna ibaiaz beste aldera zela

Leonidovitxek lau egunez egin zuen igeri

harengana heltzeko

nahiz eta ibaiertza ikusi ez.

Muxu eman ostean

beste lau egun egin behar zituen igerian

etxera itzultzeko,

nahiz eta ibaiertza ikusi ez

bazekin etxea zuela amaieran.

 

Medusa batek Alekseievna jan zuen

heliozko egunsentian.

Orain Leonidovitxek igeri egitean

ez du helmugarik agerian,

ez du ibaiertzik itsasoraino, ez,

beso-zangoak biratzeak zentzurik ez,

nahiz eta oroitzen den

muxu eman ostean

nola hartzen zuen tea eztarrian

Alekseievnarekin.

 

Leonidovitx babes bila zebilen

korrontetik alde egiteko,

nahiz eta ibaiertza ikusi ez

bazekien etxea zuela amaieran.