O ni! O bizitza!

O ni! O bizitza! Haietatik datozen galdera errepikakorrak,

Fedegabeen ilara amaigabeetatik, inozoz betetako hirietatik,

Neure burua gaitzesten duen neure izatetik (zeren nor ni baino inozoago, nor ni baino fedegabeago?)

Argia alferrik irrikatzen duten begietatik, objektu ezdeusetatik, behin eta behin berritzen den borrokatik,

Guztiaren emaitza kaskarretik, inguruan dudan jendaila akitu eta zarpailetik,

Gainerakoen bizialdi hutsal eta alferrekoetatik, eta haiei lotua ni,

Galdera, O ni! horren triste, errepikakor: Zer onura dakar honek, O ni, O bizitza?

Erantzuna:

Zu hemen zaudela, bizitza badela, eta nortasuna ere bai,

Jokaldi handiak aurrera dagiela, eta bertso bat izan daitekeela zure ekarpena.