Izokinak gauez mugitzen dira

Izokinak gauez mugitzen dira,

errekatik at, hiri erdiguneraino.

Saihestu egiten dituzte

Foster´s Freeze, A & W eta Smiley´s

bezalako izenak dituzten lekuak;

aldiz, Wright hiribideko etxe adosatuen ertzetik

doaz igeri, suma ditzakezu

goizean goizetik ate-joka edo

ordainpeko telebistaren kableei

kaskateko itsuak ematen.

Jaikita itxoiten diegu.

Atze-patioko leihoak zabalik utzi

eta deiadar egiten dugu

lehen murgilaldia entzun orduko.

Goizak, dezepzio hutsa dira.