Nekearen aldiak

Trenaren ke barea iluntze gorrikaran.

Emakume zaharra eserita dago atean, kanario-kaiola batekin;

Santa Barbararen eskaileretako itsuaren akordeoiari adi dago.

Ez genuen aitzakiarik gaurko,

ezta biharko ere. Izenak

ez zitzaizkien gauzei egokitzen gehiago.

Jaberik gabeko zakurrak alderrai dabiltza auzunean. Iluntzean

gizendu eta makurtu egiten dira etxeak eta zuhaitzak eta pertsonak

neke jasanezinen baten pean. Duela 50 urte, neke berak

sorbalda bakarrean altxa zezakeen

tximeleta txiki bat.