Pireoko atxilotuak lekualdatze sailean

Manta erdia azpian, erdia gainean; sukarra, porlana, hezetasuna,

ile izerditua, horman hatzaz irarritako inskripzioak —

izenak, datak, zin txikiak; amesgaizto bera

zuzi berarekin zuloak irekitzen: “gaur gauean, gaur gauean”,

“bihar, eguna urratzean”. Nor geratuko ote da hemen gu oroitzeko

entzun ditzagunean giltza sarrailan eta kate luzea

arrastaka amaigabeko zurirantz, non, alde batean,

artean kea baitario bota dugun azken zigarretari.