Hilabete umeen artean

Umeak jolas berriekin

dabiltza jolasean,

Antzara jokoaren

aldagai ulergaitz aspergarriekin.

Umeek beren eskuetan

dute gure etorkizuna.

Ez hauek, pala-kolpeka darabiltenak,

belaunaldi urrutikoek baizik.

Gertakariak ez du garrantzirik,

ezta aurrekariek ere.

Hanken artean daukatena,

oraina da eta aurrera doa.

Umeek ez dute Jainkoarenganako

maitasunik ezta iritzirik ere.

Deskubritzen badute mondongoa

lerde-oreak eta emultsioak okatzen dituzte.

Umeak samurrak dira

eta ankerrak. Ez dute ezagutzen

beren gorputzaren eta

haren errautsen arteko aldea.

 Umeek ez dute natura

maite, baina haren jabe dira egiten.

Dendak jartzen dituzte pinu artean,

eta erleen gisa dute burrunbatzen.

Umeek ez dute ziztatzen,

birrintzen baizik. Iratxoen gisa

agertzen dira eta arrakala

estuenetatik pasatzen.

Umeek ez dituzte

atsoak eta agureak baino jasaten.

Haien gorputzetan gora eta gora,

orratzak xerloak zintzilikariak dizkiete osten.

Umeak zoriontsuak dira

inoiz ez bezala. Fotograbatuetako

izenekin agertzen dira

garbigailuen iragarpenetan.

Umeei berdin zaie

beste Existentziarik dagoen.

Eta ondo egiten dute. Hezur

trinko hori ez da hazia.

Umeak…