Errimak

Errimak San Bizenteko damak baino

erretxinagoak dira: atea jotzen dute

eta segi teman. Ezinezkoa da haiek baztertzea

eta ez sartzekotan jasaten dira.

Poeta prestuak urrutiratzen ditu

(errimak), ezkutatzen ditu, tranpa egiten du eta

kontrabandoz sartzen. Baina santa-plantak

jeloskortzen dira eta goiz edo berandu (errimak eta atsoak)

deika hasten dira ostera eta berak dira beti.