Zuen ahots isila

Itsasoak irentsi duen

                                oro

izendun heroiak eta

izenbako

marinelak, hainbeste Espartako

pizti anker horren aurkako

                                          zoro

Atlantida Ekialdeko izaro

landaretsuak

                    baita Telemako

gazteak amets zuen Afrikako

lurralde hura

                    eta haboro

Indietako hainbat bitxi lurrun

urre hegazti harrigarri hazi

eta segeretu

                  Urpetan gazi

Goizaldez urgainan

                              ilargi urrun

harek isladarazitako adar

zilartsuak

              zuen ahotsa dakar

(zuen ahots isila dakar)

w1988