Luzeegia

bisitatu ez ditudan hirien

inbentarioa.

            Alderantziz baino luzeagoa.

            Bisitatu nautenena baino,

                                      esan nahi dut.

                        Nonnahi ikus dezaket

                        hala ere

                                      Gregor Samsaren

                                      zomorro-begirada izutua,

                        baita —bakanxeago—

                                      Sokratesen dotorezia

                                      zikuta-kikarari eusterakoan,

                        Praha nahiz Athenasera

                                                  beharrik gabe.

                        Veneziako Intzirien Zubian,

                                      bestalde,

                        —besteizenez Deustukoan—

                                      agurtu nuen

                              lehengo astean bertan

                                      aspaldiko partez

                        osaba Gabriel Arestikoa:

Biba Berango-ka

                        odoleste frijituak eta tomate

                        freskoak afaldu genituen biok

                                      Artxandari begira.

w1995