«Bateau Ivre» arratsaldekaria

Urrezko arratsaldearen hegaletan

kulunkatuz izu hisikatuak

laztan-lits epelezko hazkurea

eguzki beroa larmintzean irristaka

sapa abailduxe leher-nahia

odolaren bidegurutzetan tinko:

ihi hauskorren bazter aldakorra,

mintzo eten agian noragabeen galda,

hego haize hozkirriaren hosto erortzearen

sinfonia sahats makurtuaren

erhi aunitzetan transmutatua, eta

arratsaldea beti ohi dena delarik:

ontzi zehatz dirdizaria

udazken berantetsi honetan

zabukari, mintzo ororen

                          mintzetan.

                          Beharbada ez haramake inora

                          Hire lumak labakitzen duen bideak

                                            —inora inon bada—

                          Udazken orotako hitz-aspertuak

                                            —inoizkoa inoiz bada—

                  Ehiztarien segadetako usoak bezala

                  Poesiaz oka eginik hiltzen baitira

                                                        beharbaba.

w1989