Paisaia zubiarekin

          Negua behar du, inondik ere.

                    Ahotik arnas lurruna baitarit.

                                Bufandarik ez, baina.

                                Zubitik behera ibaiari beha:

                                          baporetxoak, gabarrak,

                                          —«artaldean» esan liteke,

                                          ardiak balira— elkarren

                                          sorbaldan pausaturik, lo.

                                Kanal zurruna, ibai bezatua,

                                          zur zimel eta sagar ustel usaina,

                                haizerik ez...

                                          (non, baina?)

          Zubiak kedar-kolorea du. Eta urak nabar igarotzen.

          Baina nik ez dazagut ez zubi, ez ibai: ametsa, noski.

                    Negua izateko, bitxia oso:

                    mertxika bat jaten dihardut.

                    Eta hexurra ostikada batez

                                                uretara...

Hiru basa-ahate

        —edo agian kaio arrunt—

        nahikoa arrasean hegaldari.

                              Baina bai, negua behar du:

                                      horra, gaztainondoen eskeletoak.

                              Neskatila ile-lakar bat hurbiltzen zait

                                                                  sagar-saltzaile.

w1995