«Espetxekuarena»

(Joseba Sarrionandiari)

Urrunera eraman hinduen

              lagun

                  gaueko tren erdiragarriak

                        basa eta hiri mortuz

                        —ulu sorgor, ziztu antzu—

                        : Herio-hurren geltokira.

Hor

    orratz-zain maingu-herren

                      burhezur hutsak

                          bandera beltz listua

                                nagiki astintzen du.

Hor

    orratz bakarreko erlojuak

                              beti

                          jalgitzeko destenore bera

                                        markatzen du.

Hor

    orenik gabeko karilonak

                        aldiro asaldatzen ditu

                  hondamendi-etxolako

                          teilatu-hegalean

                  kristal hautsizko

                          leiho-ertzetan

                  burdinbide herdoilduetan

                                  eta

                  ur-biltegi hustuetan

                                          pausaturik dautzan

                                                                  saiak.

w1982