EZ ESAN GURI, PETE

Nahiago nuke utziko bazenu

poeta bakean;

ez dago ondo

besteak erabiltzea

zure burua gorrotatzeko.

Esan eta esan ari zara guri baina

ez esan guri, esan nagusiari;

hemen, muntatze kateetan,

denok egiten dugu lan soldaduaren

eta itsasoan den marinelaren alde.

Eta gauza hauek egiten ditugu, bai,

zuri nardagarriak zaizkizunak,

baina ahaztu egin al zaizkizu

zuhaitz beltzak, ilargiak,

Batistaren poliziaren eskuetan?