Anemometroa
Anemometroa
1998, poesia
96 orrialde
84-86766-85-0
azala: Kenneth Noland
Igor Estankona
1977, Artea
 
2009, poesia
2002, poesia
 

 

AHOLKUA

 

Ez dakit nondik heldu zaren

baina ondo etorria

insomnio honetara.

        Sugea aspaldi joan zen

        azal zahar bat baino ez da geratu,

        brontzezko zerbaiten moldea

        trumoia tximistaren ostean.

Ez dakit nondik heldu zaren

baina bakarrik zaude.

Hostoak ur azpian zorabiatu egiten dira

zoriontsuak

direlako baina zu ez

zuk hau irakur dezakezu eta zer edo zer

ulertu.

 

Ez dakit nondik heldu zaren

baina poesia deitzen duguna kanpamentu nomada bat da.

Bihar ez da hemen egongo.