Bildumaren zerrendara itzuli

LIBURUARI BURUZKO
KRITIKAK

 

MARMOKAK

 

Bere ondoan nagoela

marmokak datozkit gogora,

marmokak izara arteko itsasoan,

hara eta hona, lasai,

marmokak.

Ura besterik ez izara arteko galarrenean,

ura, edo hobe esanda, barreneko zuku epela

ezpainen artetik isuria,

hankarteko oihanetik isuria,

barreneko zuku epela

izara arteko galarrenean.

Eta lema kraskatu eta

belak urratu eta hautsi,

eta hala ere ez dit axola nora naraman

bere barreneko zuku epeletan

igerian

banabil.

 

 

© Paddy Rekalde

 


www.susa-literatura.eus