• Ez da iraganmina, lagunok
• Nora deika?
• Infernutik azken irribarrea
• Aberkideak
• Botilaren bihurguneak
• Leherketak
• Las Cortes
• Udazkena
• 1. gutuna Arestiri
• Amodioa eta txakolina
• La Najako arkupeetan
• Haiku maiku
• Ginebraren besoetan
• Pantera emea
• Pasabide hutsak dituzu kaleok
• Kolpe baten indarra
• Boxeolaria
• Ahots epelaren bila
• Frankotiradorea
• Umore beltzeko paisaia
• Kontainer ondoan
• 2. gutuna Arestiri
• Morfina
• Herriminari gerra
• Raggamuffin erritmoan
• Gasolindegian
• 3 koñak underground
• Kondoiaren zaporea
• Paradisuak
• Eta bat ginen
• Zubi azpian
• Hiri hau
• Marmokak
• Ziur egon zaitezte
• Auzoko jonki hori
• Ni naiz Charlie Donnelly
• Porrotaren tabernan
• Goizaldeko pornoa
• Kaioak
• Zuhaitz artean
• Hau ez dok Brixton
• Espero ez zuena
• Maggie
• Bero apur bat
• Begira egiozu gizon horri
• Ezer gertatu ez balitz bezala
• Aldapan behera
• Txizaren hotsa

 

BOXEOLARIA

 

Zortzi-hamar urte izango nituen,

baina hala ere ondo gogoratzen ditut

zapatu goizetan izaten ziren

La Casillako boxeo borrokaldiak,

ring haren inguruko egurrezko aulkiak,

kanpaiaren zarata agudoa,

eta jendea boxeolariei xaxaka,

amorruak jotako txakurrak balira bezala,

munduko bazter guztietatik etorritako

boxeolariei xaxaka,

kontrakoa akabatzeko eske.

Kolore guztietako boxeolariak,

gazteak zein zaharrak,

gihartsuak zein koipe-zakuak,

elkarri ostiaka, zeharo amorratuta.

 

Ondo gogoratzen dut Perico Fernandez hura,

zilar koloreko bataz jantzita,

ringera bidean topatzen zituen umeekin olgetan:

¡Chaval, pega, pega, chaval!

guante potolo eta distiratsu bi haiek

eskaintzen zizkigula.

Eta nik

poza agertu nahi zuten begietan

tristura itzela igartzen nion,

tristura itzela,

itzela,

bertan hil nahi duenaren antzekoa.

 

 

© Paddy Rekalde

 

www.susa-literatura.eus