Bildumaren zerrendara itzuli

LIBURUARI BURUZKO
KRITIKAK

 

PARADISUAK

 

Paradisuak mapetan bilatzea

lan antzua da, lagun,

erabat antzua, alferrikako lana.

 

Ez dago ez uharte ez badia

ez labar ez hondartzarik,

ez dago ez haran ez zaldu ez pagadi

ez mitxoletaz gainezkako zelairik,

ez dago ez taberna

ez erreka gaineko zubi

ez ezkiek jantzitako parke

ez etorbide zabalik,

ez dago paradisua bermatuko dizun lekurik.

 

Paradisua ez duzu inon topatuko.

Noizbehinkako momentuetan baino ez duzu gozatuko,

momentu gutxi, oso gutxi batzuetan baino ez.

 

 

© Paddy Rekalde

 


www.susa-literatura.eus