EUROPA

Europa, puta larru zaharra,

hara gerraren zatailuak

zure eremu zabalak

basatiki zauritzen luebanez;

eta soldaduok,

(zelan gogoak

hankatarte zolduan

hala eurak

zartailuetan)

odololdeetan globulo gorri batzu,

—globulo zuri beste asko—

eta antigorputz gainerakoak,

gaixotasunak jotako

odol gorri bakarrean

zoramenaren pean

elkar akabatzen.

Europa, puta larru zaharra,

nork eragiten ote zartailuari

nork eraiki ote urkamendi bat

                                                muino bakoitzean

nork eraman ote sutzarra

                                          auzo bazter bakoitzera

nork erakarri ote izurria

                                        etxola orotara

nork erauzi ote bestelakoak

                                            kaleetatik

nork erabaki ote bestelakoa

                                              nor bai eta nor ez

nork erasotzen hainbestetan

                                              nork erantzuten galderoi?