KOKA KOKATUZ. Poema honetan Sigmund Freud kokazalea izan zela garai batetan eta, droga eta psikoanalisaren artekoaz ari da. Freudek kokari buruz idatzitakoa eta drogarekiko izan zituen erlazioen inguruan, Escritos sobre la Cocaína liburua, Editorial Anagraman, gazteleraz.

KOKA - KOKATUZ

Sigmund Fredek koka sudurrera-

tzen duela

geografia psikikoaren hastapenak

ezartzen

hipotalamotik hurbil kokatu

nahiz azpikonztientea

nongo laberintoetan bizi bait dira

—aunitz bider berreraikitako

Erroma—

haurtzarako piztiz

mozorratutako protoaitak

ludeatik etorri apostoluak pekatuz

ezartzera superego historikoa

Erosen aurka

Thanatos teologikoa

    arrazoi urkamaendiaren egile

eta baita Espartakus heroia ere

Sigmund Freud divanaren ertzean

Mediterraneo berri baten aurrean

Ediporen begi erauzietan bilatzen

Tabua hautsi

duenaren indar telurikoa

koka sudurreratzen du Viennan

gizabanakoaren azpikontzientetik

gizatalde haundien

kontzientzarako bidean

Hitlerrek gerrabidea prestatzen

duen bitartean.