EZAGUTZEN EZ DUGUN LEKUAN

Gau bakoitzak gordetzen du goiz bat.

Louise Michel

Oinaze partekatuak sostengatzen gaitu,

gau bakoitzak goiz bat gordetzen duela sinisteak.

Kontakizun konkretuari ez diogu beldurrik,

ezta tartekako desorientazioari ere

egarria ezin delako ilusioz soilik ase

jarraitzen dugu elkarrekin

iturri eder eta baliagarriak sortzeko eginahalean.

Gure gorputzek iraungo badute

transformazioan izango da.