MARIORRATZAK

Okaran urak zure besoetan

sortutako bide likatsuak dastatzen ditut

apurka-apurka, gertakizunaren zaporeak

nire baitan iraun dezan.

Inguruko mariorratz jaioberriak nola

joan aurretik aldentzen senti zaitzaket,

beste ur batzuetako biolak adatsean

jartzen dizkizuten eskuak irudikatuz.

Tentu handiz miazkatzen dut

tanta bakoitza azkena balitz bezala,

desagertzeko prest dagoenaren debozioz.