VIKI

Ez jantzi panpoxik

ezta ere poltsikoan sosik

baina egunero zaude pozik.

Begi ertzak irrist,

aurpegia irriz,

eta ni zure egarriz.

Eskatu didazu bisou,

nik galde: nor zara zu?

Lotsarazi nauzu, aizu!

Mandarina zaporeko soa,

sua bezain gartsu, gozoa.

Esnatu didazu otsoa.

Arropek kolpean irrist,

elkarri begira irriz,

egidazu koska berriz.

Bi su artean bisou,

zu eta ni, ni eta zu.

Nolako plazera, aizu!

Ez dugu behar arroparik,

are gutxiago sosik

bizia bizitzeko pozik.

Gurutza iezadazu soa,

gazia bilakatu gozoa,

espetxetik behingoz

aska dezagun gogoa.