ERBIEN OMENALDIA MATEO SOINURI

meza kantari

aintza Jaunari

Mateo zintzo lanean ari

zaunka entzunda

—Fusila nun da!

abiatzen da erbi ehiztari

Mateo Txistu

ez da obispu

badaki hartzen zenbait arrisku

ehizatu orde

erbia gorde

askatasunak behar anitz du

zaunka eta galde

dena debalde

ehizak egin baitie alde

zakurrek dute

inondik uste

Mateo dela erbien alde

inoiz Carmonan

gero Zamoran

gizona txehetzen duen errotan

Mateo apaiz

erbitarra haiz

ez haute asko maite Erroman

erbiak badu

izter 'ta larru

Mateok ere zerbait behar du

Trentoren aurka

sotana urka

guraso berri urtea barru

herria zertan

Mateo bertan

ikasi berri duen mezetan

inoiz Laus Deo

sarri ateo

mezetan baino hobe lezetan

gure hauspoa

bada nork joa

ez badizute mozten besoa

maite zaitugu

Mateo Soinu

aitasantua'n seme gaiztoa

    1999