LA VACHE QUI RIT

batzuetan zizarea da

        zizare luze bat

zelaiaren erdian buztan

bestetan satorra da

        sator jator bat

lurraren barnetik mutur

zizare edo sator

        harrituta

behatzen dio beti

        trenak

        behiari

—behi bat...!

        tristura kentzeko

esne gaingabetua

agintzen duen medikuak

—behi bat...!

        billeterik gabe

ibiltzen den haurrak

—behi bat...!

        natur zientzietako azterketak

zuzentzen datorren irakasleak

esnetan dira treneko bidaiariak

        behi bat

—dena buztan dena mutur—

ikusi dutelako

—behi bat...!

                          behi bat...!

                                          behi bat...!

esnatu egin da gidaria

        izutu egin da gidaria

                behi bat?

berak ez du behirik harrapatu nahi!

—behi bat...!

                          behi bat...!

                                          behi bat...!

gidariak ez du harrapatu nahi

                  behirik:

gero lasterka ibili beharko du

        amets gaiztoan

geltokiz geltoki gelditu gabe

                zezenen aurretik

stop..!

                    stop...!

                                        stop...!

          topa

egin du trenak

          bere buruarekin

                              topo

zizarea bazen labur

satorra bazen uzkur

eta oraindik ere

harrituta

        behatzen dio

        trenak

—dena burdin dena tutu—

        behiari

—dena gordin dena titi—

nola egiten duen orduan

                      behiak

                          irri!

    2003