ZORIONTASUNA HERRI BAKARREAN

ez ezazuela ezetz esan

oraindik badago mundu honetan

zapaldu gabeko uharte bat

inor ez da handik itzuli hori da froga

gure zain zabal etzana

urrun

suntsimenduaren minenean

eta garaitzaren zoroenean ere

ez ezazuela ezetz esan

nork ez du amets debekatua egin

borrokatu behar honetarik

urrun

naufragiorik zinikoena antolatuko dugu

Cromagnongo bizkaitarrak bezain

zoriontsu bizi ahal izateko

ez ezazuela ezetz esan

aberri guztiez biluzik

urrun

eta noizbait lanbroaren erdian

azalduko zaigu anker

uharte urrunenaren bila datorren ontzia

aberri bat daukagula erakusteko

ez ezazuela ezetz esan

hurren

    1997