BAZOAZ

Bazoaz

week-end delakoaz gozatzera

iraultza poetikoa egitea proposatu behar nizun unean

Bazatoz

besarkada batek dena konponduko duelakoan

muxu inozo batek dena moldatuko duelakoan

Bazoaz

hiru egunen buruan

itzuliko zarelako promesarekin

Hemen utzitako hutsunetik edanen dut bitartean

isilunearekin konformatuko naiz

neronen buruarekin solasean ez itotzeko

Zuk sortutako hutsune bakoitzeko

poema bat egin izan banu...

zuk sortutako isilune bakoitzeko

Bazatoz

eta hiru egunen buruan

ez da iraultzaren aztarnarik ere izanen

Bazoaz

eta esnea ozpinetan edaten jarraituko dut

besarkadak hutsik gelditzen direnerako

Bazoaz

eta itzuliko zarelako esperantza

mehatxu egiten hasia zait