EMAIDAZU TRANTSIZIORAKO AUKERA BAT LUR BERRIAN

Arrainak irteten zaizkizu galtzarbeetan

erlojuak dirudite garbigailuek

trenak ikustera jolasten gara etengabe

Hau ihes baten kronika izan zitekeen

baina ezinezkoa zaigu hondamen hauek abandonatzea

Non dira iragandako pozak

non basamortu emankorrak

parentesi arteko meatze gaziak

panpina zaharren akabatzeak

lur gabeziak oin azpietarako

Irratiak piztuta utzi zituzten ilargian

Munduak zutaz jakin balu bezala

ihes egiten du zubien bestaldera

non gureak ez diren oinatzak dauden

enarenak zaldienak eta anitzez gehiago

Ukabilak dauzkazu ahoan

aipatzen ez dituzun hitzak

eta saminaren abezedarioa

Gorpu hotzak eta bakardade biluzia

besoak bildu eta

bizi metro kubiko bat konprimitzen saiatzeko