ZURRUNBILOA

Zainak ireki eta

memoriak sortutako polena

amaitzen ez den sasitza erreka bazterretan

inertziaz mugitzen diren liliak

eta minez hazi zaizkigun gereziondoak

Alkandora loratuetan

ehundegietako lorategi txikiak

eta berezkoa ez den irribarrea

bizirauteko beharrezko dugun

libertate txiki hau babestera

Zainen azpian obsesioak

aingurak erraietan

goizeko izotza urtaro baten amaiera adierazten

zainak lotzen gaituen lurrarentzat

zainak lotzen gaituztenentzat

Ez ditugu alferrik basoak grabatu bularrean

Behin hiltzen gara

eta bitan