Lur bat zure minari
Lur bat zure minari
1995, poesia
68 orrialde
84-86766-58-3
azala: Nicolas de Staël
Jose Luis Otamendi
1959, Azpeitia
 
2022, poesia
2019, poesia
2014, poesia
2007, poesia
2000, poesia
1999, narrazioak
1990, poesia
1987, poesia
 

 

Harresiak-1

 

Maitetasun hau erdizka egina dago

Osatzen hasi eta premia larriko ekinkizunek

Bertanbehera utzitako lana

Gorputz baten bila abiatu eta ortozik itzuli, musu huts

Nire maitetasunak ez daki zugana ez da luiziz aseko ez airerik ederrenez

Hildakoak zelan hazi ez dakit noiz ureztatu nondik inausi

Delibera liteke sufritzea

Gela batean ituteak jaregin maitasunarren

Baina egunerokotasunaren aurrean zer lezake bihotz siku batek

 

Erdizka bakarrik egindako maitetasuna da gurea

Bakarrik egindakoa

Erdia egin eta beste erdia esan

Nik ere esanen dizuet galtzerdiz bozatu dizkizuetela zangoak

Zuek zaretela gure ur bazter galaraziak

Zuei apartenitzeko ari garela nazioartekotza eztabaidatzen

Erdizka maitatze hau den gaitza

Ogasun aitorpenetan maite-izenak alderantzea

Arbola zuztarrekin bisabisak ditugula

Portu agortuetan gagoz urak noiz beteko

Erdizka gagoz ordea

Bakarrik gagoz

Gure oinazpiek oroitzearren egindako ahaleginak

Handiago dira orain